響現今相對高融資成本而本港經濟又未完全復甦嘅情況下，經常留意到不少客戶公司都會衍生一啲長期嘅應收款，近排同幾位客戶閑談中，都提及到現今經濟環境寧願少做，亦唔會冒做多但收唔到款(壞帳)嘅險。一單嘅壞帳已經夠多了，要做返幾多張單先彌補到！Anyways，今次就同大家傾應收款。
響會計學上，應收款被歸類為流動資產，而流動資產顧名思義，即是相對上流動性較高的資產，一般而言，應收款預期回收期會係一年以內。唔同行業有著唔同的信貸期限(俗稱數期)。如零售行業就通常30天內，從事批發貿易嘅，可能係60至90天內，如工程及設計相關行業，一般的回收期甚至可能長達半年或以上。
而響我哋會計人眼裹，會特別考慮到一啲逾期嘅應收款，繼而查證呢啲款項嘅回收情況。咁你可能奇怪，我公司收唔到錢關你哋會計咩事？
原因就係，如果收唔番嘅數，響會計準則上係會將呢筆數撥落呆壞/壞帳，尤其係針對欠款數目相對龐大嘅數。咁你又可能會問，而家收唔番唔代表以後都收唔返，咁我哋嘅職責就係會查問，公司作出左咩行動去追呢筆欠款，如法律程序追討，或者，如呢筆數背後涉及附上抵押品或擔保人，咁公司又有冇行使到應有權利去追討呢筆款項呢？
曾經遇到情況係，客戶話對方因商業糾紛唔認數，故此要進入法律訴訟程序，結果需要到法律專業人員出具「意見書」證實呢筆欠款嘅回收可行性。
如一旦沒任何證據或合理理由相信呢筆欠款能夠成功回收，咁呢筆數亦會視作為公司嘅損失反映響盤帳上。
今次同大家分享到呢度，下次再傾！
Kommentare