公司每年Audit Report入面，有咩內容係銀行或投資人特別關注？
- Corwin
- 2024年2月21日
- 讀畢需時 4 分鐘
各位朋友好，祝大家2024年新年快樂。今次想同各位分享一下，銀行/投資者係點樣睇財務報告 Audit Report (身體檢查報告) 從而大概知道點樣可以響這些party眼中能夠Stand Out。
1. 盈利(賺錢)能力
一般響report上，基本披露嘅數據如過去銷售額，毛利同純利等。而呢啲數據都會用作同市場上相類似嘅公司標準作比較，如比較中發現某些表現相對上優於普遍同行，就再深入發掘當中源頭，例如公司毛利率較同行優勝，原因係有更高定價(加價)能力因伴隨着公司持久塑造品牌效應，同時，亦享有與供應商議價嘅能力，因訂單量龐大，且供應商所提供服務嘅差異性不大。
此外，公司賺錢能力都要考慮到應收未收款項還款能力及庫存運轉能力。自從而家嘅會計准則要求財務報表更趨向反映目前市場公允值，呢兩點變得尤其重要。對於某些貿易周期同信貸條款(credit term) 較長嘅公司，逾期應收款或緩滯庫存嘅情況更傾向發生，從而，促使響財務報表上被列入呆壞賬或資產減值，間接損害公司嘅利潤。
繼而就係融資成本，響現時高息情況底下，企業融資都係定於P或H+ (即大概6% or up) 等嘅借貸利率，尤其我哋有客戶案例，因舊債未清需要以更高借貸成本作refinancing。呢種做法毫無疑問對公司嘅純利削減不少。
2.公司資產(資源)
天有不測之風雲，當公司預期利潤未如理想，無論原因係公司己身抵抗力質素變差，還是面對着外來環境因素如天災疫症，公司仍有充裕糧食同醫療用品自保，那就非常不錯。
但不是每種資源都是同等級，現金固然名列前位，尤其而家銀行定期存款利率那樣高，絕對係首選穩健資產之一。其次，如公司持有物業亦不錯，即使樓價現時正在下跌，始終本港銀行對樓宇也有情意結，但當中亦要考慮問題如：有關嘅物業係屬自用/出租？如出租，有關每月所收租金同已簽租期長短又是多少？物業現在狀態仍供款中/已供斷？
當然，公司所持有嘅資源都要睇有幾多係屬於自身/別人，如果audit report 顯露大部份資源都係向外借入(負債)，如有關嘅負債係屬短期負債(一年期或以內)居多，就無疑會更被大打折扣！因為代表着公司好快需要動用資金向外流走。
另外，銀行同投資者都會關注公司嘅資本結構同財務健康狀況。例如，公司嘅資本結構（即股本同負債比例）係點樣？如果太多負債，可能會增加公司嘅風險水平同埋還款壓力。而財務健康狀況方面，銀行同投資者會留意公司嘅流動比率同快速比率。流動比率衡量公司有冇足夠嘅流動資金嚟應付短期債務，而快速比率則排除咗庫存嘅影響，更加關注公司有冇足夠嘅現金同短期投資嚟應付短期債務。
除咗以上嘅資產同負債方面，銀行同投資者亦會留意公司嘅現金流量狀況。現金流量係企業嘅生命線，影響着公司嘅營運活動同還債能力。銀行同投資者會留意公司嘅營運活動產生嘅現金流入同流出，以確保公司有足夠嘅現金嚟繼續營運同埋償還債務。
最後，銀行同投資者亦會關注公司嘅風險管理措施同內部控制系統。風險管理措施包括公司嘅風險評估同控制措施，例如對市場風險、信用風險同法律風險嘅評估同管理。內部控制系統則係指公司嘅內部監察同管理機制，確保公司嘅資產受到適當嘅保護同降低詐騙同錯誤嘅風險。
總括而言，銀行同投資者特別關注公司嘅盈利能力、資產情況、資本結構、財務健康狀況、現金流量、風險管理措施同內部控制系統。透過審閱 audit report，銀行同投資者可以獲取有關資訊，評估公司嘅經營狀況同風險水平，以作出投資或貸款決策。 今次同大家分享到呢度，下次再傾！ ---------------------------
本公司由香港及澳洲註冊會計師成立，服務過百間中小企本地有限公司，也是現時香港持牌信托及公司服務經營者，牌照號碼為：TC006906。
查詢 (Tel/Whatsapp): 5592 0208
立即Follow @ampaccounting 學習會計報稅知識 ! 🧮
同時Follow @aumopro.co 了解更多精明頂手及創業貼士 !💡
Comments